Դիմածնոտային վիրաբուժության բաժանմունքի վարիչ, դիմածնոտային վիրաբույժ Նորայր Միքայելյանի ղեկավարությամբ Ավագյան ԲԿ-ում նորագույն տեխնոլոգիաների կիրառմամբ հաջողությամբ կատարվեց աննախադեպ բարդության և ծավալի վիրահատություն ↓↓↓
Պացիենտը 2020թ. 44-օրյա պատերազմի ընթացքում դիմածնոտային շրջանում ստացել էր աջ այտոսկրի և աջ ակնակապճային համալիրի ականապայթյունային բեկորային վիրավորում, ինչից հետո կատարվել էին ակնակապճի ռեկոնստրուկցիա տիտանե թիթեղի հարմարեցված տարբերակով, ակնաբուժական և միկրովիրաբուժական միջամտություններ։
Վիրահատություններից հետո պացիենտը գանգատվում էր ցավերից և բերանի բացման սահմանափակումից․ իմպլանտը շոշափվում էր մաշկի տակից և առկա էր մաշկը ծակվելու հավանականություն։
9 ժամ տևած վիրահատության արդյունքում արդեն տեղադրված 1 իմպլանտը փոխարինվեց 3D նորագույն տեխնոլոգիաներով պատրաստված բարձր որակի տիտանե 3 առանձին իմպլանտներով, որոնց միջոցով վերականգնվեց վերին ծնոտային ծոցի (հայմորյան խոռոչի) առաջային պատի, ակնակապճի և այտոսկրի ամբողջականությունը։
Վիրահատությունն իրականացվեց Hybrid Technologies ընկերության նորարարական իմպլանտների կիրառությամբ:
Մանրամասները և արդյունքները՝ շուտով:
Հավատարիմ մնալով ԲԿ-ի առաքելությանը՝ մեր բժիշկներն ընդունում են ցանկացած մարտահրավեր և անում են ամենը՝ միտված պացիենտի առողջ և լիարժեք կյանք վայելելուն։
♡ ԱՌՈՂՋ ԵՂԵՔ
