Ախտորոշման բաժանմունքներ

Ախտորոշումն իրականացվում է 3 տեսլա հզորության Siemens MAGNETOM Lumina մագնիսառեսզոնանսային շերտագրման սարքի միջոցով։ Այն համաշխարհային չափանիշներով կլինիկական կիրառման ամենահզոր սկաներն է, որը տրամադրում է ավելի մանրամասն և ճշգրիտ ախտորոշում ավելի կարճ ժամանակում։ 3 տեսլա ՄՌՇ-ն գերազանց է բազմաթիվ պաթոլոգիաների ախտորոշման և փոքր անատոմիական կառուցվածքների մանրամասն պատկերներավորման ասպեկտում։ 3 տեսլա ՄՌՇ-ն կրկնակի գերազանցում է ստանդարտ՝ 1,5 տեսլա սարքի արդյունքները՝ ապահովելով ազդանշան-աղմուկ հարաբերակցությունը, ինչը ամենաբարձր որակի պատկեր ստանալու հիմնական որոշիչ գործոնն է: Վ․ Ավագյանի անվան բժշկական կենտրոնն առաջինն է Հայաստանում, որը սկսել է իրականացնել այս տեսակի բարձր ճշգրտության ՄՌՇ հետազոտություն։

Ախտորոշումն իրականացվում է «SIEMENS- AXIOM Luminos dRF» 3D ռենտգեն սարքի միջոցով, որը ֆտորոգրաֆիայի և ռադիոգրաֆիայի 2-ը 1-ում իսկական թվային համակարգ է՝ նախատեսված ապահովելու կլինիկական պատկերավորման տարբեր պրոցեդուրաների լայն շրջանակ:

Ախտորոշումն իրականացվում է Siemens «SOMATOM GO.UP» ապարատի միջոցով, որը տրամադրում է սկրինինգի կիրառություն մեթոդների լայն շրջանակ՝ թույլ տալով իրականացնել թոքերի և հաստ աղիքի սքրինինգ, ինչպես նաև սրտի հետազոտություններ՝ կորոնար կալցիումը և շատ ավելին չափելու/գնահատելու համար։
Շնորհիվ ենթամիլիմետրային կոլիմացիայի SOMATOM GO.UP-ն ապահովում է բարձր տարածականություն՝ դրանով իսկ մեծացնելով ուռուցքաբանության ախտորոշման զգայունությունը:

Լաբորատորիան հագեցած է գերժամանակակից սարքավորումներով, ինչպիսիք են «ANALYZER A15» կենսաքիմիական ախտորոշիչ սարքը, «Coatron X» կիսաավտոմատ կոագուլոմետր սարքը, իմունոլոգիական հետազոտությունների համար նախատեսված «MAGLUMI 600» Snibe ախտորոշիչ սարքը, կենսաբաքիմիական ընդլայնած հետազոտությունների «HumaScope» մանրադիտակ -ը, «Carelyte®» էլեկտրոլիտների ավտոմատ անալիզատոր սարքը և այլն:

Բաժանմունքում մանրադիտակային մակարդակով ախտորոշվում են չարորակ և նախաքաղցկեղային գոյացությունների և հիվանդությունների։ Լաբորատորիան հետազոտում է մարմնի գրեթե ցանկացած հատված, ներառյալ թոքերը, վահանաձև գեղձը, միզուղիները և այլն: Ամենատարածված թեստերից մեկն արգանդի վզիկի բջջաբանական հետազոտությունն է (Pap test), որը երբևէ մշակված քաղցկեղի ամենահաջող հետազոտություններից է:

Դուպլեքս սկանավորման բաժանմունքում, վերջի սերնդի ամերիկյան LOGIQ ուլտրաձայնային սարքավորումով իրականացվում է անոթային հիվանդությունների ախտորոշում:
Դուպլեքս սկանավորումը չունի հակացուցումներ, ոչ ինվազիվ է, անցավ է և լիարժեք ինֆորմատիվ: Հետազոտության այս մեթոդն ունի բազմաթիվ առավելություններ․ այն հնարավորություն է տալիս գնահատել անոթների (երակների և զարկերակների) անցանելիությունը, արյան շրջանառության ցուցանիշները, նեղացումները, լայնացումները, թրոմբերի առկայությունը, հետթրոմբոտիկ փոփոխությունները, սկսնակ և զարգացած աթերոսկլերոզը և այլն:

Ֆունկցիոնալ ախտորոշման բաժանմունքում նոր սերնդի ախտորոշման սարքավորումներով իրականացվում են

• էլեկտրասրտագրութուն (ԷՍԳ)
• էկելտրակարդիոգրաֆ
• Էխոսրտագրություն (սրտի ուլտրաձայնային հետազոտություն)
• Հոլտեր մոնիթորինգ / 24-ժամյա էլեկտրասրտագրութուն (Հոլտեր մոնիթորինգն իրականցվում է
• ամբուլատոր պայմաններում՝ պացիենտի առօրյա ակտիվության ընթացքում:

Էլեկտրասրտագրությունը պարզ և ցավազուրկ հետազոտություն է, որը կիրառվում է սրտի խնդիրների արագ հայտնաբերման և սրտի առողջության վերահսկման համար:

Ուլտրաձայնային հետազոտության բաժանմունքում նոր սերնդի ախտորոշման սարքավորումներով իրականացվում են հետևյալ հետազոտությունները․

• Որովայնի խոռոչի օրգանների հետազոտություն,
• Լյարդի, լեղապարկի, ենթաստամոքսային գեղձի, փայծաղի հետազոտություններ,
• Միզասեռական օրգանի համալիր հետազոտություն (երիկամներ, միզածորաններ, միզապարկ, շագանակագեղծ, սերմնաբշտեր),
• Ամորձիների և հավելումների, փոշտի հետազոտություններ՝ դոպլեր վերլուծությունով,
• Արգանդի և հավելումների հետազոտություն,
• Հղիության հետազոտություն,
• Ֆոլիկուլամետրիա,
• Վահանագեղձի հետազոտություն,
• Կրծքագեղձերի հետազոտություն,
• Թքագեղձերի հետազոտություն,
• Ենթամաշկային գոյացությունների հետազոտություն,
• Հոդերի, մկանների և ջլերի հետազոտություններ։

Ուլտրաձայնային հետազոտության բաժանմունքի բժիշկ
Հովսեփ Ջիվանի Ռևազյան
Ուլտրաձայնային հետազոտման մասնագետ (Սոնոգրաֆիստ)